Gweithgareddau am ddim

Defnyddiwch y fideos i ddysgu am yr hyn y mae gwyddonydd yn ei wneud, yna cwblhewch eich arbrawf gwyddonol eich hun gan ddefnyddio hylif lliwi bwyd a dŵr. Ceisiwch wneud patrymau a lliwiau gwahanol a byddwch yn greadigol gyda’ch dyluniadau..

Lawrlwythwch ein cardiau Bingo Sïo Gwenyn. Anogwch y plant i fynd o amgylch y tŷ i ddod o hyd i’r eitemau ar eu cerdyn bingo. Pan fyddant wedi dod o hyd iddynt, ticiwch yr eitem ar eu cerdyn. Sylwch sawl un gallan nhw ei gasglu. Mae’r person cyntaf i gwblhau’r holl flychau yn ennill gwobr.

Penderfynwch ar ffilm i’w gwylio gyda’ch teulu cyfan, gofynnwch i’r plant gwblhau’r templed ac adolygu’r ffilm rydych chi’n penderfynu ei gwylio. Gofynnwch iddyn nhw esbonio llinell y stori, pwy oedd eu hoff gymeriad a beth oedd eu hoff ran.

Anogwch y plentyn i fod yn greadigol a chyfathrebu. Nid gwneud rhywbeth newydd o reidrwydd yw’r dasg hon, ond siarad am rywbeth y mae ganddynt ddiddordeb ynddo. Gofynnwch lawer o gwestiynau a brasluniwch eu syniadau.

Gwyliwch fideo o arbrawf gwyddoniaeth. Dilynwch y dull a chrëwch eich arbrawf gwyddoniaeth eich hun gartref. Ymchwiliwch a dysgwch pam y ffrwydrodd y botel lemonêd a pha adwaith ddigwyddodd.

Mae’r gêm dacteg hon yn ymwneud â gwaith tîm, cyfathrebu a chymryd risg. Gweithiwch mewn timau bach a dychmygwch eich bod yn un o deulu’r Gwenyn yn casglu’r paill. Eich nod yw gollwng eich peli o baill i mewn i fwcedi gwahanol. Bydd gennych 5 cyfle i daflu’r bêl i un o’r 3 bwced. Mae gan bob bwced werth pwynt gwahanol. Sylwch faint o bwyntiau rydych chi’n eu casglu a phenderfynu pa dactegau y byddwch chi’n eu defnyddio.

Os yw’ch plant wedi tyfu allan o rai teganau anogwch nhw i feddwl am ffyrdd o’u gwerthu i wneud arian ar gyfer teganau newydd, neu eu rhoi i rywun nad oes ganddo unrhyw deganau. Ymchwiliwch i’r ffyrdd y gallent werthu eu teganau. Gallech hyd yn oed gynnal eich arwerthiant teganau eich hun gyda theulu a ffrindiau.

Defnyddiwch y syniadau hyn i greu, dylunio a gwneud gwenyn eich hun. Byddwch yn greadigol a defnyddiwch beth bynnag sydd gennych gartref. Ymchwiliwch i bwysigrwydd achub y gwenyn a’r amodau gorau iddynt fyw ynddynt.