Llyfr

Wrth i Gwyn Gwenynen aros i’w adain wella, mae’n helpu’r Frenhines Dilia i redeg y cwch. Dywed y Frenhines wrth Gwyn fod y cwch yn tyfu a sut y byddai angen iddyn nhw heidio yn fuan a dod o hyd i gartref newydd. Mae’r Frenhines Dilia’n ymddiried yn Gwyn ac mae’n gofyn am ei gymorth i arwain ei haid ar antur newydd. Dydy Gwyn ddim yn siŵr ei fod yn ddigon da i wneud rhywbeth mor bwysig ac mae’n gofyn am gyngor gan ei deulu sy’n ei atgoffa pa mor bwysig yw bod â hunan-gred ac i arddangos sgiliau arwain i helpu i wneud gwahaniaeth.

Mae Gwyn Gwenyn wedi gwneud ffrindiau gyda’r Frenhines Dilia yng Nghoed y Mêl wrth i’w adain
wella. Mae’r Frenhines Dilia yn ymddiried yn Gwyn ac yn rhannu ei straeon gydag o. Mae’r Frenhines Dilia yn gofyn i Gwyn am ei help i arwain ei haid hi i gartref newydd. Dydi Gwyn ddim yn siŵr os ydi’r adain yn ddigon cryf ar gyfer gwaith mor arbennig, ac mae o’n poeni sut fydd ei fywyd yn newid. Mae teulu a ffrindiau Gwyn yn ei atgoffa pa mor arbennig ydi o, a pham y dewiswyd o ar gyfer y swydd bwysig hon.

Mae Gwenan a’i chwiorydd Gwen a Gwenlli yn dylunio trolïau bychain er mwyn helpu’r lindys i gario’r llythyron i’r ysbyty bob dydd.

Mae Gwen Gwenynen yn wenynen fach garedig, gofalgar a mentrus. Mae hi wrth ei bodd yn hedfan gyda’i ffrindiau a chasglu paill gan y blodau hardd. Un diwrnod mae hi’n deffro ac yn gweld bod y gwenyn yng Nghwch Coed y Mêl wedi mynd yn sâl ar ôl yfed dŵr brwnt o’r afon leol. Mae Gwen Gwenynen yn llawn egni ac yn awyddus i ddod o hyd i gyflenwad o ddŵr glân da ar gyfer y gwenyn yn y cwch. Mae hi’n hedfan i fynd ar ei hantur ac yn cwrdd â ffrindiau newydd ar ei thaith. Mae Gwen yn dysgu bod partneriaethau a chyfeillgarwch yn bwysig iawn ac wrth weithio gyda’ch gilydd gallwch chi gyflawni llawer mwy na gweithio ar eich pen eich hun.

Mae Gwenan Gwenyn yn deffro i ganfod fod ei ffrindiau, y gwenyn yng nghwch Coed y Mêl, wedi mynd yn sâl ar ôl yfed dŵr budr. Mae Gwenan yn llawn egni, ac yn mynd i chwilio am gyflenwad o ddŵr glân ffres i’r cwch. Mae’n hedfan i ffwrdd ar ei hantur, ac yn cyfarfod ffrindiau newydd ar hyd y ffordd. Mae Gwenan yn dysgu bod partneriaid a ffrindiau yn bwysig, ac wrth gydweithio, gallwch gyflawni llawer mwy na gweithio ar eich pen eich hun.

Mae Gwen a Gwenlli yn efeilliaid unfath sydd wrth eu boddau’n mynd ar anturiaethau gyda’i gilydd.
Maen nhw’n penderfynu cynnal mabolgampau Coed y Mêl yn flynyddol gyda’r holl greaduriaid bach yn helpu i’w trefnu. Mae Gwenlli’n benderfynol o wella ei sgiliau hedfan a dod mor gyflym â’i chwaer Gwen ac efallai hyd yn oed ei churo yn y ras hedfan. Mae Gwenlli’n gweithio’n galed i ymarfer hedfan bob munud sbâr ac mae Gwen yn treulio ei hamser yn trefnu’r digwyddiad ac yn bod yn greadigol. Fydd y digwyddiad yn llwyddiannus?

Stori ydi hon am y ffordd y gweithiodd yr efeilliaid Gwen a Gwenlli gyda’i gilydd i gael hwyl wrth geisio
byw’n iach. Mae’r efeilliaid yn cychwyn gweithgaredd cadw’n heini newydd sbon, ac yn darganfod ffordd
wreiddiol o wneud arian. Mae hyn yn gwneud iddyn nhw deimlo’n fentrus dros ben.

Mae Gwenan eisiau ei helpu ac yn mynd i’w gweithdy i greu dyfais a fydd yn helpu Sioni Mawr i neidio’n uchel yn y gwair hir i gadw rheolaeth ar y ceiliogod rhedyn ifainc.